Орталық Азиядағы Климаттық өзгерістер және жасыл энергетика бойынша Жобалық кеңсе әділ ауысу Стратегиясын әзірлеуге кірісті

Жаһандық климаттық дағдарыс және төмен көміртекті экономикаға көшу қажеттілігі жағдайында Қазақстан экономика құрылымын өзгертудің тең құқықты және әділ процесін қамтамасыз ететін әділ ауысу Стратегиясын әзірлеуі қажет. Бұл халықтың барлық топтары үшін жағымсыз әлеуметтік, экономикалық және экологиялық зардаптарды барынша азайтуға және орнықты экономикалық өсу үшін жағдай жасауға мүмкіндік береді.

2024 жылдың тамызында Орталық Азиядағы Климаттық өзгерістер және жасыл энергетика бойынша Жобалық кеңсе әділ ауысу Стратегиясын әзірлеуге кірісті.

Стратегияны әзірлеу процесінің шеңберінде төмен көміртекті экономикаға көшумен байланысты еңбек нарығындағы ықтимал өзгерістерді бағалау үшін экономикалық сценарийлерді модельдеу жүргізілетін болады. Бұл жаңартылатын энергетика, тұрақты ауыл шаруашылығы және басқа да жасыл секторларда жаңа жұмыс орындарын құру бойынша ұсыныстар әзірлеуді қамтиды. Сондай-ақ, ауыл тұрғындары мен аз қамтылған отбасылар сияқты халықтың осал топтары үшін көшудің әлеуметтік және экономикалық салдарына талдау жүргізу жоспарлануда.

Осылайша, әділ ауысу Стратегиясы климаттық өзгерістер жағдайында экономикалық процестердің барлық қатысушылары үшін инклюзивті мүмкіндіктер жасауға бағытталған негізгі бастама болып табылады.

Жобалық кеңсе әділ ауысу Стратегиясын әзірлеуге демеушілердің бірі болған Eurasian Resources Group (ERG) компаниясына ерекше алғыс білдіреді.