Қордың басты жетістігі – Қазақстан Республикасының Экология және табиғи ресурстар министрлігімен бірлесіп 2026 жылғы Өңірлік экологиялық саммитті ұйымдастыру және өткізу болды.
Іс-шараға Орталық Азия елдерінің, Армения, Грузия, Моңғолия президенттері және Әзербайжан премьер-министрі, Орта және Оңтүстік-Шығыс Азияның, ТМД және басқа да өңірлердің жоғары мемлекеттік қайраткерлері, БҰҰ жүйесіндегі ұйымдардың және ЕҚЫҰ, ЕО, ЭЫҰ, ИСЕСКО, ШЫҰ, ТМҰ, АӨСШК, Ислам азық-түлік қауіпсіздігі ұйымы (IOFS), АДБ, ЕҚДБ, ДБ, ЖКҚ, ИДБ сияқты халықаралық ұйымдардың басшылары, Орталық Азия елдерінің, сондай-ақ Армения, Әзербайжан, Грузия, Германия, Беларусь, Түркия, Италия, Қытай, Камбоджа, Сербия, Моңғолия, Хорватия, Жапония, Ауғанстан, Ресей Федерациясы және басқа да елдердің экологиялық ведомстволарының басшылары қатысты. Барлығы 11 мыңнан астам қатысушы.
Саммит аясында екіжақты кездесулер мен сайд-ивенттерден бөлек, 58 тақырыптық сессия, оның ішінде 21 жоғары деңгейдегі сессия және Орталық Азия мемлекеттерінің 4 елдік сессиясы ұйымдастырылды. Олар климаттық саясат, орнықты даму, энергетика, бейімделу, қаржыландыру, су ресурстары, биоәртүрлілік және әділ ауысу мәселелерін қамтыды.
Іс-шараның басты қорытындысы – «Орталық Азияның экологиялық ынтымақтастығы» атты Орталық Азия мемлекеттері басшыларының Декларациясын қабылдау болды. Президенттер биоәртүрлілік, химиялық заттар мен қалдықтарды басқару жөніндегі келіссөздер, пластикпен ластануға қарсы күрес, атмосфералық ауа сапасын жақсарту, жердің тозуы мен шөлейттенуге қарсы іс-қимыл сияқты көпжақты экологиялық процестер шеңберінде бірлескен өңірлік ұстанымдар мен шешімдерді әзірлеу жөніндегі күш-жігерді күшейту ниетін растады, сондай-ақ өңір елдерінің негізгі халықаралық алаңдардағы шоғырландырылған ұстанымын ілгерілетуге келісті.
Ең маңызды нәтиже – өңір мемлекеттері мен халықаралық серіктестердің өзара қолдауы мен шоғырландырылған практикалық ынтымақтастығына негізделген өзара іс-қимыл мен серіктестіктің жаңа өңірлік архитектурасының қалыптасуы болды.
«Орталық Азияның экологиялық ынтымақтастығы» Орталық Азия мемлекеттері басшыларының Декларациясының 24-тармағына сәйкес, Саммит аясында қабылданған, президенттер өңірдегі экологиялық ауысуға жәрдемдесуге бағытталған өңірлік іс-қимылдарды жеделдету мақсатында Климаттың өзгеруі және жасыл энергетика бойынша Орталық Азияға арналған Жобалық офис шеңберінде ынтымақтастыққа дайын екендіктерін білдірді.
